面對日日新鮮日日甘嘅抗疫安排，大家都辛苦啦。面對疫境，運動強身好重要，而帶著個口罩跑步、上山做運動的確係辛苦嘅。見假期好好天，就順手出去試咗手頭上三款運動口罩，畀大家參考下佢哋適用嘅場合。

實測簡評：

薄紗設計，透氣度高，保護性低。口罩中間有骨設計架起，但運動一定時間後，出汗後面罩始終會緊貼口鼻，呼吸受一定影響。 

口罩面部範圍充足，可配合口罩架使用，舒適度會再提升，減少沾汗後貼口鼻問題。

但因物料及設計，不能配合濾網使用，於人流密集地方，安全性較低。 

實測簡評：

雙層透氣布料，透氣度一般，保護性較高，適合長時間運動如登山健行及出入人流較多場合。 

設計貼近傳統口罩，運動時宜配合口罩架使用，以增強口罩空氣流動及空間。擴充彈性較高，亦可以自由加配濾網，於人流密集地方及長時間使用時比較安全。 

實測簡評：

因口罩面較細，雖然同樣有骨設計架，但男士臉大，使用上來會比較緊及貼口鼻，出汗後較不適。

因口罩範圍較少，若配口罩架使用，跑動易鬆脱，口罩兩邊亦有露出問題，不建議作組合使用。 同時因物料及設計，未能配合濾網使用，於人流密集地方，安全性較低。 

------

總評： 

呢個世上無完美嘅產品，三款運動口罩各有優劣之處，適合不同場合使用。#肺話

Titan 及 T8 物料最透氣，但安全度最低，比較適合較高強度，短時間嘅運動。例如海濱路跑短課，人流少空氣流動高場合。口罩安全性低，運動期間不宜與他人接觸交談。運動後亦應該儘快換上醫療口罩，以保障自身及他人健康。 

Aonjie 設計類近傳統口罩，透氣度一般，但擴充性較高。可自由配合口罩架及濾網，以提升透氣舒適度及安全性。 較適合較中低強度，長時間嘅運動場合。例如一整日嘅健行登山，中間或會經過人流更多嘅市集，村落及士多作補給等。配合口罩架，濾網下保護相對性較高，與他人簡單接觸亦較安全。

 

以上三款運動口罩均為可重用布料設計，每次運動後宜以手洗風乾，會比較耐用及衛生。 作為一個跑L或喜愛運動既人，呢啲運動口罩，有返三幾個係屋企輪換，因應唔同場合使用係 #好合理 嘅。 

另外口罩架幾蚊街邊貨仔，但跑步時加咗佢呼吸會暢順不少，大減口罩沾汗貼鼻封口問題。

口罩濾網於藥妝品店購入，主要增強運動口罩安全性，特別適合長時間健行登山，中途會接觸他人的環境下使用。